جاتي ۾ واٽر سپلائي تلائن جي چوديواري ٽٽل، ڍور ڍڳا اندر، پاڻي خراب ٿي ويو

جاتي ۾ واٽر سپلا جي تلائن جي ٽٽل چوديواري ڪيترائي سال گذرڻ باوجود اڃا تائين تعمير نه ڪرائي وئي آهي، انتظامي غفلت سبب شهر جي 50 ھزار آبادي کي ڍورن جي پيشاب ۽ ڇيڻن وارو ھاڃيڪار پاڻي فراهم ڪيو پيو وڃي ۽ ڪيترائي ننڍا توڙي وڏا ڊائريا ۽ ٻين بيمارين ۾ مبتلا ٿيڻ لڳا آھن. ان حوالي سان واٽر سپلا عملي جو چوڻ آھي ته تلائن جي چوديواري ٽٽل آھي جتان ڀر واري ڳوٺن جا ڍور اندر اچيو وڃن، جيڪي پاڻي ۾ غلاظت ڇڏين ٿا، اسان ڳوٺاڻن کي چوپايو مال واٽر سپلا جي تلائن ۾ ڇڏڻ کان روڪيو آھي پر اهي اسان جي نٿا مڃين. رابطي ڪرڻ تي انچارج ٽائون ڪميٽي جاتي سجاد جت چيو ته ھن کان اڳ ڪجھه سال واٽر سپلا جو نظام پبلڪ ھيلٿ کاتي حوالي ٿيل ھو ۽ تلائن جي چوديواري تڏهن جي ٽٽل آھي، جتان چوپايو مال تلائن ۾ اچي ٿو، ضلعي چيئرمين سجاول دانش ملڪاڻي ڪجھه ڏينھن اڳ تلائن جو جائزو ورتو آھي، ٽٽل چوديواري جلد تعمير ڪئي ويندي.