حيدرآباد جي علائقي قاسم آباد ۾ اينٽي انڪروچمينٽ عملدار علي رضا شورو، انڪروچمينٽ فورس ۽ پوليس جي مدد سان عدالت جي حڪم تي علمدار چوڪ وٽ قائم مڪينڪ دڪانن اڳيان حددخلين خلاف آپريشن شروع ڪيو ويو ته دڪاندارن فورس خلاف ٻاهر نڪري سندن مٿان پٿرا ڪيو، جنهن بعد پوليس پهچي 5 دڪاندارن کي گرفتار ڪري لاڪپ ڪري ڇڏيو هو. ان ڏس ۾ ڀٽائي نگر ٿاڻي تي قاسم آباد ميونسپل ڪميٽي جي ڪلارڪ ياسمين جي فرياد تي 5 دڪاندارن خلاف سرڪاري ڪم ۾ مداخلت ڪرڻ جو ڪيس داخل ڪيو ويو، جنهن ۾ دڪاندار شايان، عرفان، فيصل آرائين، بسام ۽ فيصل عباسي کي نامزد ڪيو ويو. جوابدارن کي ڀٽائي نگر پوليس ڪالهه ئي گرفتار ڪري ورتو هو.
