قومي عوامي تحريڪ سڄي سنڌ جي ڳوٺن، شھرن ۽ مختلف پاڙن ۾ 15 ڊسمبر کان 15 جنوري تائين مھينو “قومي مچ ڪچھري” پروگرامن جو اعلان ڪيو آھي. ان ڏس ۾ پريس ترجمان اشرف پليجو جي جاري ڪيل پڌرائي موجب قومي مچ ڪچھريون ڪري عوام کي ڪرپشن انتھاپسندي، بيڊگورننس خلاف بيدار ڪيو ويندو. سرداري ۽ جاگيرداري نظام ۾ ماڻھن کي ويڙھائي انھن ۾ قبيلائي نفرتون پيدا ڪيون ويون آھن. سنڌ کي ٻڌي، اتحاد، رواداري جي ضرورت آھي. سنڌي ۽ اردو ڳالھائيندڙ ڀائر آھن. اشرف پليجي چيو ته قومي عوامي تحريڪ سموريون ٻوليون ڳالھائيندڙن ۾ ڀائيچارو چاھي ٿي. مذھبي ھم آھنگي ۽ رواداري چاھي ٿي. حڪمران عوام جي حقن تي ڌاڙا ھڻي رھيا آھن.
