رهڙڪي ويجهو ڳوٺ باگو ڀٽو ۾ ڳوٺاڻن ۽ هارين اينگرو ڀاڻ فيڪٽري خلاف احتجاجي مظاهرو ڪيو. اختر علي، شهزاد ڀٽو، لياقت ڀٽو، عبدالقيوم ڀٽو، پنهل ڀٽو ۽ ٻين چيو ته اسان جي زمينن مان اينگرو ڀاڻ فيڪٽري جي زهريلي پاڻي جي پائيپ لائين پوليس جي زور تي گذاري رهي اسان جا فصل ڀيلائي رهي آهي. هنن چيو ته اسان جي زمينن کان اينگرو ڪمپني 2 ڪلوميٽر جي فاصلي تي آهي، اسان جون زمينون اينگرو ڪمپني جي زهريلي پاڻي سبب تباهه ٿي ويون آهن، جنهن ڪري اسان جي زمينن ۾ فصل نه پيو ٿئي. هنن چيو ته اينگرو جا ملازم عون محمد ۽ ٻيا پوليس جي زور تي فصل ڀيلائي بغير معاوضو ڏيڻ جي زمينن مان زهريلي پائيپ لائين گذاري رهيا آهن، معاملي جو نوٽيس وٺي انصاف ڪيو وڃي، ٻي صورت ۾ اينگرو فيڪٽري جي مک گيٽ اڳيان احتجاج ڪيو ويندو.
