ڳڙهي ياسين ۾ ويگن تان هيٺ ڪري زخمي ٿيل نوجوان فوت

ٻه ڏينهن اڳ ڳڙهي ياسين شهر جي رهواسي حافظ مومن راجپوت شڪارپور کان ڳڙهي ياسين ويندڙ ويگن جي فوٽ پاٿ تي بيٺل هو ته پير ترڪڻ سبب هيٺ ڪري زخمي ٿي پيو. زخمي نوجوان کي وارثن لاڙڪاڻو اسپتال آندو جتي هو زخمن جا سور نه سهندي فوت ٿي ويو. مرحوم جو مڙهه ڳڙهي ياسين گهر پهچڻ تي ڪهرام مچي ويو. وارث عورتن کي بيهوشي دورا پئجي ويا. مرحوم جو مڙهه سوين آلين اکين سان پير جمال شاهه قبرستان ۾ مٽي ما حوالي ڪيو ويو.