ڪنب ويجهو علي بحر واهه ويجهو حيدري محلا ۾ ٽن ٻارن جي ما مسمات فريده زال انور سولنگي جو پنکي ۾ ٽنگيل لاش هٿ آيو، جنهن جو اطلاع ڪنب پوليس کي ڏنو ويو، پوليس پهچي لاش تحويل ۾ وٺي تعلقه اسپتال ڪوٽڏيجي روانو ڪيو، علائقي ۾ چوٻول آھن ته عورت کي سندس مڙس انور سولنگي سم ڪڍرائڻ جي مامري تان گهٽا ڏئي قتل ڪيو آھي. ڪنب پوليس عورت جي مڙس انور سولنگي کي حراست ۾ وٺي ڇڏيو آھي. عورت جي معصوم پٽ رمضان روئندي ٻڌايو ته امان کي بابا رسن ۽ تار سان گهٽا ڏئي ماريو آھي، ڪنب پوليس ضروري ڪارروائي بعد لاش عورت جي سهري منظور حوالي ڪري ڇڏيو. ڪنب پوليس ٻڌايو ته عورت جي مڙس کي حراست ۾ ورتو ويو آھي، جنهن کان جاچ ڪيون پيا.
