قمبر ۾ وڌندڙ مهانگائي خلاف پ پ شهيد ڀٽو طرفان جناح باغ کان احتجاجي ريلي ڪڍي پيٽ سان پٿر ٻڌي نٽهڻ اس ۾ پريس ڪلب آڏو ڌرڻو هنيو ويو. موقعي طفيل احمد سانگاهه، عرفان گوپانگ، شوڪت چانڊيو، عادل چانڊيو، نظير چانڊيو، شفقت چنو، لالا واجد گوپانگ ۽ ٻين چيو ته مهيني اندر 100 سيڪڙو تيل مهانگو ڪرڻ سبب عام واهپي سميت کائڻ پيئن جون شيون مهانگيون ٿي ويون آهن، جنهن ڪري غريب مسڪين پورهيتن جو جيئڻ جنجال ٿي ويو آهي، پورهيت ٻن ويلن جي ماني کائڻ لاءِ به پريشان آهي. هنن مطالبو ڪيو ته بهتر پالسيون جوڙي عوام کي رليف ڏنو وڃي.
