هڱورجا ۾ نوجوان جي بازيابي لاءِ احتجاجي مظاهرو

سمي شھر مان اغوا ٿيل نوجوان ذوالفقار ملاح جي بازيابي لاءِ شهرين هڱورجا پهچي دلبر ملاح، نديم ملاح، شفيق کوکر، وقاص ملاح، حيدر گل سولنگي جي اڳواڻي ۾ پريس ڪلب آڏو احتجاجي مظاهرو ڪري ڌرڻو هنيو. احتجاج ڪندڙن الزام لڳايو ته ذوالفقار ملاح سمي کان هڱورجا اچي رهيو هو ته رستي مان نامعلوم ماڻهو کيس کنڀي کڻي ويا آھن، جنهن جي ڪابه خبر ناهي ته ان کي ڪير اغوا ڪري ويو آھي، پوليس ڪا به ڪارروائي ڪرڻ لاءِ تيار ناهي. هنن مطالبو ڪيو ته نوجوان کي بازياب ڪرايو وڃي، ٻي صورت ۾ قومي شاهراهه تي ڌرڻو هنيو ويندو.