![](https://s3.amazonaws.com/sindhexpress.com.pk/2022/08/PIR-GOTH-576x470.jpg)
پير جو ڳوٺ ڀرسان پرائمري اسڪول نور محمد آريجو جي ڇت جا چاپڙ ڌماڪي سان ڪري پيا. رپورٽ موجب پير جو ڳوٺ لڳ ڳوٺ نور محمد آريجو ۾ پرائمري اسڪول جي ڇت جا چاپڙ ڌماڪي سان ڪري پيا. چاپڙ ڪرڻ سبب شاگردن ۾ خوف پکڙجي ويو. ان سلسلي ۾ شاگردن ۽ ڳوٺاڻن سخت احتجاج ڪندي چيو ته اسڪول جي عمارت مڪمل طور زبون ٿي وئي آهي. اڄ شاگرد جيئن ئي ڪلاس روم ۾ داخل ٿيا ته ڇتين جا چاپڙ ڌماڪي سان ڪري پيا. شاگردن ۾ ڀاڄ پئجي وئي. هنن چيو ته اسڪول جي زبون حالي بابت ڪيترائي ڀيرا دانهيو آهي پر ڪنهن به نوٽيس نه ورتو آهي.