نصيرآباد ۾ ڀٽائي درزي يونين اڳواڻن عبدالعزيز ڪانڌڙو، محمد ٽڳڙ، غلام رسول کوسو، سجاد علي چنا، نعيم علي سولنگي، امجد علي ٽڳڙ، ايڊووڪيٽ ڪامريڊ يوسف پتوجو ۽ ٻين شاهه لطيف پبلڪ پارڪ ۾ احتجاجي مظاهرو ڪيو. تازو برسات ۽ ٻوڏ سبب جتي سڄي سنڌ متاثر ٿي آهي اتي اسان به متاثر ٿيا آهيون، اسان جو به نقصان ٿيو آهي، جڳهيون ڪري پيون آهن روزگار اسان جا متاثر ٿيا آهن، هنن چيو ته ٻن مهينن کان وڌيڪ ڏينهن گذرڻ باوجود اسان کي نه راشن مليو ۽ نه ٽينٽ ڏنا ويا آهن، هنن چيو ته اي سي نصيرآباد يار علي شاهه سان روز ملاقات ڪري پنهنجا حق گهرون ٿا ته اسان کي خالي دلاسا ڏيئي موٽائي ڇڏي ٿو. هنن ڊي سي قمبر شھدادڪوٽ ۽ وس وارن کان فوري طور اي سي نصيرآباد يار علي شاهه کي هٽائڻ جو مطالبو ڪيو.
