نيوسعيدآباد ويجھو ڳوٺ بيگو ڪاڪا ۾ بجلي جي تارن مان باھه لڳڻ سبب 6 گھر سڙي رک ٿي ويا. تفصيل موجب نيوسعيدآباد لڳ مهراڻ ها وي تي واقع ڳوٺ بيگو ڪاڪا ۾ بجلي جي تارن مان باهه لڳڻ ڪري 6 گهر سڙي رک ٿي ويا، جن ۾ محمد ڪاڪا، غلام قادر ڪاڪا، خدن ڪاڪا، مٺو ڪاڪا، سومر ڪاڪا ۽ زبير ڪاڪا جا گھر شامل آھن، جن کي سخت نقصان پهتو. باهه سبب گھرن ۾ پيل اناج، سونا زيور، روڪ رقم، ڪپڙا، بسترا ۽ ٻيو سامان جنهن جي ماليت 5 لک روپيا آهي، سڙي رک ٿي ويا. باهه دوران گهر ڀاتي رڳو حياتيون بچائي نڪتا. نيو سعيد آباد مان فائر برگيڊ جي گاڏي پھچي باهه تي ڪنٽرول ڪري وڌيڪ گهرن کي سڙڻ کان بچائي ورتو.
