چيف جسٽس نوشين جي وارثن کي انصاف ڏياري: ام رباب چانڊيو

دادو: دادو ۾ ام رباب چانڊيو ڊاڪٽر نوشين ڪاظمي جي تڏي تي پهتي، سيد هدايت شاهه سان تعذيت ڪئي، ام رباب چانڊيو چيف جسٽس پاڪستان ۽ چيف جسٽس سنڌ ها ڪورٽ کان ڊاڪٽر نوشين ڪاظمي جي واقعي جو نوٽيس وٺڻ جي اپيل ڪندي چيو ته چيف جسٽس جي شهر ۾ واقعو ٿيو آهي، اهو ڊاڪٽر نوشين جي وارثن کي انصاف ڏياري.

هن چيو ته قصور جي زينب سان تڏهن انصاف ٿيو، جڏهن هو اتحاد ڪري گڏجي بيٺا. ڊاڪٽر نوشين جهڙا واقعا تعليمي نظام کي تباهه ڪرڻ جي سازش آهن. سنڌ حڪومت کي گذارش ڪنداسين ته اسان کي مجبور نه ڪيو.