ڪراچي: پ پ چيئرمين بلاول ڀٽو زرداري آرمي پبلڪ اسڪول سانحي جي شهيدن کي ڀيٽا پيش ڪندي چيو ته اسڪول ۾ شاگردن ۽ ٽيچرز جي رتوڇاڻ ڪندڙ پلان رٿيندڙن ۽ سهولتڪارن کي انصاف جي ڪٽهڙي ۾ آندو وڃي. ڪالهه اي پي ايس سانحي جا 7 سال مڪمل ٿيڻ تي بلاول ڀٽو زرداري سانحي ۾ شهيدن جي وارثن سان ٻڌي جو اظهار ڪيو.
هن چيو ته قوم اڄ تائين آرمي پبلڪ اسڪول سانحي جي وڏي ڏک مان ناهي نڪري سگهي ۽ اوهان معصوم روحن سان انصاف جي منتظر آهي، منهنجي پارٽي ۽ خاندان دهشتگردي جو شڪار ٿي رهيا آهن ۽ مان دهشتگردي ۽ انتهاپسندي جي خلاف پنهنجو آواز اٿاريندو رهندس. بلاول ڀٽو زرداري چيو ته نيشنل ايڪشن پلان جي سليڪٽڊ نفاذ کي ختم ڪري ان کي مڪمل طور تي لاڳو ڪرڻ گهرجي.
