“اڳوڻو مڙس اغوا ڪرڻ چاهي ٿو” ڊگهڙي واسڻ جو احتجاج

جهڏو: ڊگهڙي جي محمد شاهھ جيلاني پاڙي جي رهواسڻ 27 ورهين جي ناري ثمينه ڌي احسان علي شيخ ٽنڊوباگو واسي اڳوڻي مڙس غلام مرتضى پٽ بخش ملاح خلاف ميڊيا سينٽر جهڏو اڳيان احتجاج ڪيو. هنن چيو ته 10 سال اڳ مون غلام مرتضى سان شادي ڪئي هئي، مڙس مون کي مارڪٽ ڪندو هو ۽ بدپيشو ڪرڻ لاءِ مجبور ڪندو هو، تنهن ڪري مون اٽڪل 3 سال اڳ طلاق وٺي ڇڏي. هن چيو ته منهنجو اڳوڻو مڙس وڏي عرصي کان اغوا ڪرڻ جي ڪوشش ڪري رهيو آهي ۽ ڌمڪيون ڏئي رهيو آهي، هن اعلى اختيارين کان اپيل ڪئي ته تحفظ ڏئي انصاف ڪيو وڃي.