اسلام آباد: آرمي چيف جنرل قمر جاويد باجوا قومي سلامتي پاليسي ٺاهڻ بابت ڪوٺايل تقريب ۾ ڳالهائيندي چيو آهي ته قومي سلامتي جي سمورن پهلوئن تي پاليسي هڪ بهترين قدم آهي. اسلام آباد ۾ قومي سلامتي پاليسي ٺاهڻ بابت تقريب ٿي، جنهن ۾ وزير اعظم عمران خان، وفاقي ڪابينا جي ميمبرز، چيئرمين جوائنٽ چيفس آف اسٽاف ڪميٽي ۽ هٿياربند فوجن جي سربراهن شرڪت ڪئي. ان موقعي تي غير رسمي ڳالهه ٻولهه ڪندي آرمي چيف جو چوڻ هو ته ملٽري سڪيورٽي قومي سلامتي جو هڪ اهم پهلو آهن ۽ هي دستاويز قومي سلامتي کي يقيني بڻائڻ ۾ مددگار ثابت ٿيندو. واضح رهي ته ڪجهه ڏينهن اڳ قومي سلامتي پاليسي جي منظوري ڏني وئي هئي.
