اسلام آباد :پاڪستان ۾ ڪرونا جي پنجين لهر وڌيڪ 13 مريضن کان حياتيون کسي ورتيون، جنهن کان پوءِ فوتين جو انگ 30 هزار 53 ٿي ويو. پاڪستان ۾ ڪرونا جي تصديق ٿيل ڪيسز جو انگ 15 لک 2 هزار 641 ٿي ويو. نيشنل ڪمانڊ اينڊ آپريشن سينٽر جي تازن انگن اکرن موجب گذريل 24 ڪلاڪن دوران 961 نوان ڪيس رپورٽ ٿيا. پنجاب ۾ 4 لک 99 هزار 365، سنڌ ۾ 5 لک 64 هزار 895، خيبرپخونخوا ۾ 2 لک 15 هزار 87، بلوچستان ۾ 35 هزار 284، گلگت بلتستان ۾ 11 هزار 390، اسلام آباد ۾ هڪ لک 33 هزار 936 جڏهن ته آزاد ڪشمير ۾ 42 هزار 684 ڪيس رپورٽ ٿيا. سموري ملڪ ۾ هينئر تائين 2 ڪروڙ 61 لک 74 هزار 561 ماڻهن جا ٽيسٽ ڪيا ويا. گذريل 24 ڪلاڪن دوران 38 هزار 139 نوان ٽيسٽ ڪيا ويا. هينئر تائين 14 لک 6 هزار 361 مريض صحتياب ٿي چڪا آهن. جڏهن ته هڪ هزار 261 مريضن جي حالت ڳڻتي جوڳي ٿي وئي آهي. پاڪستان ۾ ڪرونا وگهي هڪ ڏينهن دوران 13 مريض فوت ٿي ويا آهن، جنهن کان پوءِ موذي وائرس وگهي فوت ٿي ويلن جو انگ 30 هزار 53 ٿي ويو.
