حيدرآباد: عوامي تحريڪ جي مرڪزي صدر ڊاڪٽر رسول بخش خاصخيلي، مرڪزي سينيئر نائب صدر عبدالقادر رانٽو، مرڪزي جنرل سيڪريٽري نور احمد ڪاتيار ۽ مرڪزي نائب صدر ايڊووڪيٽ سجاد احمد چانڊيو پنھنجي گڏيل پريس بيان ۾ ڊاڪٽر عبدالحئي بلوچ جي اوچتي وڇوڙي تي ڏک ۽ افسوس جو اظھار ڪندي چيو آھي تھ ڊاڪٽر عبدالحئي بلوچ سنڌي ۽ بلوچن سميت ملڪ جي سمورين قومن جي اتحاد لاءِ پنھنجي سموري حياتي جاکوڙيندو رھيو.
ھو رسول بخش پليجي صاحب جي ويجھن دوستن مان ھڪ ھو. ھو انتھائي متحرڪ ۽ بي لوث سياسي اڳواڻ ھو. عوامي تحريڪ جي اڳواڻن چيو آھي تھ ڊاڪٽر عبدالحيٰ بلوچ جي وڇوڙي تي عوامي تحريڪ سندس خاندان ۽ بلوچ قوم سان ڏک ۾ برابر جي شريڪ آھي.
