ڪنري: ڪنري ڀرسان ڏکوئيندڙ واقعو پيش آيو. حادثي ۾ پي ۽ پٽ چيڀاٽجي فوت ٿي ويا. ان سلسلي ۾ ڪنري ڀرسان درگاهھ خواجه عيسيٰ ولي وٽ موٽرسائيڪل سوارن کي عمرڪوٽ مان ايندڙ ڪوچ ٽڪر ھنيو، تيز رفتار ڪوچ جي ٽڪر سبب تعلقي ڇاڇرو جي ڳوٺ گوگاسر ٿر واسي 55 سالن جو عبدالشڪور نھڙي ۽ سندس پٽ مئٽرڪ جو شاگرد 16 ورھين جو ثناالله نھڙي ٿڏي تي ئي فوت ٿي ويا، اطلاع تي پوليس ۽ ڳوٺاڻا وڏي انگ ۾ پھچي ويا، پوليس ٻنھي فوتين جا لاش کڻائي تعلقي اسپتال پھچايا، جتان ضروري ڪارروائي بعد مڙھه وارثن حوالي ڪيا ويا. پوليس ۽ ڳوٺاڻن ٻڌايو ته ڪوچ عمرڪوٽ کان ڪنري اچي رھي ھئي ۽ موٽرسائيڪل سوار پي پٽ ڪنري مان ڳوٺ وڃي رھيا ھئا ته ڪوچ ٽڪر ھنيو، ڪوچ ڊرائيور حادثي واري هنڌ تان فرار ٿي ويو آهي، پوليس ڪوچ کي تحويل ۾ وٺي ڇڏيو آھي. فوتي نوجوان جي 22 مارچ تي شادي ٿيئڻي هئي.
