اسلام آباد: تحريڪ انصاف اڳواڻ شهباز گل موٽر وي تي ڪار حادثي ۾ زخمي ٿي پيو آهي. حادثو ايم ٽو خانقاهه ڊوگران جي حدن ۾ پيش آيو، حادثي کانپوءِ فوري طور موٽر وي پوليس جون اختياريون پهچي ويون. رپورٽن موجب شهباز گل پنهنجي گاڏي ۾ لاهور کان اسلام آباد وڃي رهيو هو ته سندس گاڏي سان خانقاهه ڊوگران ڀرسان حادثو پيش آيو. گاڏي ۾ شهباز گل سميت 4 ڄڻا سوار هئا ۽ چارئي معمولي زخمي ٿي پيا، جن کي طبي امداد لاءِ اسپتال نيو ويو. هوڏانهن ٽوئيٽر تي جاري ڪيل بيان ۾ شهباز گل دعويٰ ڪئي آهي ته منهنجي گاڏي جو پيڇو ڪندي ڄاڻي واڻي هِٽ ڪيو ويو. هن جڏهن ته وزيراعظم شهباز شريف حادثي جا جاچ جو حڪم ڏئي ڇڏيو آهي.
