ننگرپارڪر لڳ نينگري ڪاوڙجي خودڪشي ڪري ڇڏي

ننگرپارڪر:ننگرپارڪر لڳ ڳوٺ اوڻ جو وانڊيو ۾ 15 سالن جي نينگري ڏيوو ڌي چيتن ڪولھي ما سان ڪاوڙجي گھر اندر رئي سان ڦاھو کائي خودڪشي ڪري ڇڏي. ٻڌايو پيو وڃي ته نينگري ما پاران ڪجھه چوڻ تي ڪاوڙجي گھر ۾ ڪير نه ھئڻ تي انتھائي قدم کنيو، اطلاع تي پوليس ڳوٺ پھچي نينگري جو لاش اسپتال منتقل ڪيو، جتان ضروري ڪارروائي بعد لاش وارثن حوالي ڪيو ويو. پوليس موجب نينگري جو ذھني توازن درست نه ھو، جنھن ڪري ھن خودڪشي ڪئي، ضروري ڪارروائي ۽ پوسٽ مارٽم ڪرائڻ بعد لاش وارثن حوالي ڪيو ويو آھي.