نئون ڪوٽ: نئون ڪوٽ ۾ آبپاشي سب ڊويزن نئون ڪوٽ مان نڪرنڙ ڀان شاخ ۽ شير شاخ جي آبادگارن پاڻي جي شديد کوٽ خلاف سلور موري جھڏو-نبي سر روڊ تي نٽھڻ اس ۾ مظاهرو ڪري ڌرڻو هنيو ۽ نعريبازي ڪئي. ان موقعي تي آبادگارن عبدالعزيز شورو، سومار جوڻيجو، وڏيري نياز محمد اوٺو، سومار اوٺو، حسن اوٺو، صديق خاصخيلي ۽ ٻين چيو ته گذريل ھڪ مھيني کان ڀان شاخ ۾ پاڻي ڇوڙ نٿو ڪيو وڃي. زمينون ته بنجر بڻجي ويون آھن، پر هن وقت اسان جو چوپايو مال پاڻي نه هئڻ سبب اڃ مري رهيو آھي ۽ ڳوٺاڻا لڏپلاڻ تي مجبور آھن، اسان کي حصي جو پاڻي ڏئي معاشي بدحالي کان بچايو وڃي. پاڻي نه مليو ته پاڻ کي علامتي ڦاھيون ڏينداسين.
