شفاف چونڊون نه ٿيون ته ملڪ ۾ وڌيڪ ڏڦيڙ پيدا ٿيندو: عمران خان

اسلام آباد (مانيٽرنگ ڊيسڪ) تحريڪ انصاف جي چيئرمين عمران خان وڊيو لنڪ ذريعي مظاهرين کي خطاب ڪندي چيو آهي ته احتجاج ڪرڻ اسان جو آئيني حق آهي ۽ اسان تيستائين احتجاج ڪندا رهنداسين، جيستائين صاف شفاف چونڊن جي تاريخ نٿي ملي ڇوجو چونڊون صاف ۽ شفاف نه ٿيون ٿين ته وڌيڪ ڏڦيڙ پيدا ٿيندو. هن چيو ته جهڙي طرح پنجاب جي ننڍي چونڊ ۾ “ميچ فڪس” ڪرڻ جي ڪوشش ڪئي پئي وڃي، جيڪڏهن ائين عام چونڊون ڪرايون ويون ته وڌيڪ ڏڦيڙ پيدا ٿيندو، سياست ۾ غير يقيني جي فضا وڌندي ويندي.