ٿرڙي محبت ڀرسان سنڌو دريا ۾ ٻڏي ويل ٻارڙي جو لاش هٿ

ٿرڙي محبت: ٿرڙي محبت ڀرسان ڳوٺ جاڙو ڪلهوڙو واسي مال چاريندي سنڌو دريا ۾ ٻڏي ويل 8 ورهين جي سهيل ڪلهوڙو جو لاش 20 ڪلاڪن جي ڳولا بعد ٽوٻن هٿ ڪري ورتو، جنهن جو لاش گهر پهچڻ تي ما کي بيهوشي جا دورا پئجي ويا. ياد رهي ته 12 ورهين جو بلاول ڪلهوڙو ۽ 8 ورهين جو سهيل ڪلهوڙو سنڌو دريا ۾ ٻڏي ويا هئا، جنهن مان بلاول ڪلهوڙو جو لاش ڪالهه هٿ آيو هو. جڏهن ته واقعي بعد علائقي ۾ سوڳ ڇائنجي ويو.