اسلام آباد : حڪومت اسلام آباد ۾ ڪرونا ويڪسينيشن تيز ڪرڻ جو فيصلو ڪري ورتو آهي. ويڪسينيشن پلان تي عملدرآمد لاءِ ٻن مهينن جو هدف مقرر ڪري ڇڏيو. ذريعن جو چوڻ آهي ته اسلام آباد ۾ وفاقي حڪومت طرفان ڪرونا ويڪسينيشن تيز ڪرڻ جو فيصلو ڪيو ويو آهي.اسلام آباد لاءِ ڪرونا ويڪسينيشن جو هنگامي پلان تيار ڪيو ويو آهي، ڪرونا ويڪسينيشن پلان تي عملدرآمد لاءِ 2 مهينن جو هدف مقرر ڪيو ويو آهي. ذريعن جو چوڻ آهي ته هنگامي پلان جو مقصد روٽين ۽ بوسٽر ويڪسينيشن جي رفتار ۾ تيزي آڻڻ آهي. ڪرونا ويڪسينيشن پلان تي عملدرآمد لاءِ وڌيڪ عملو ڀرتي ڪيو ويندو.
