![](https://s3.amazonaws.com/sindhexpress.com.pk/2022/06/2340831-securityforces-1656161176-241-640x480-1-640x470.jpg)
راولپنڊي: اتر وزيرستان ۾ سيڪيورٽي فورسز جي آپريشنز ۾ 3 دهشتگرد مارجي ويا ۽ هڪ اهم ڪمانڊر زخمي حالت ۾ گرفتار ڪيو ويو. پاڪ فوج جي ترجمان اداري آءِ ايس پي آر موجب سيڪيورٽي فورسز اتر وزيرستان ۾ ڳجهي اطلاع تي 2 آپريشن ڪيا. آءِ ايس پي آر موجب آپريشن ۾ هاءِ ويليو دهشتگرد ڪمانڊر زخمي حالت ۾ گرفتار ڪيو ويو، جڏهن ته دهشتگرد ڪمانڊر سان گڏ 3 ٻيا دهشتگرد به گرفتار ڪيا ويا. آءِ ايس پي آر جو چوڻ آهي ته ٻئي آپريشن ۾ ٽي دهشتگرد مارجي ويا، جن جي قبضي مان هٿيار، بم گولا ۽ آءِ اي ڊيز هٿ ڪيون ويون، مارجي ويل ۽ پڪڙيل سمورن دهشتگردن جو واسطو حافظ گل بهادر ٽولي سان هيو. آءِ ايس پي آر موجب هي دهشتگرد سيڪيورٽي فورسز تي حملن، ڀتي خوري ۽ شهرين جي قتل ۾ ملوث هئا.