شھدادپور: شهدادپور ۾ سرڪاري اسڪول مان نامعلوم چور 2 پکا، 6 سيور، سولر پليٽ ۽ پاڻي جي موٽر چوري ڪري بورڊ تي لکيو ته بک تي آهيان، راشن به ڪنهن ناهي ڏنو. ان سلسلي ۾ شهدادپور جي ڳتيل آبادي واري پاڙي سيد ابدال شاهه جي گورنمينٽ سنڌي پرائمري اسڪول مان نامعلو چور 3 ڪلاسن مان 2 پکا، 6 سيور، سولر پليٽ ۽ پاڻي جي موٽر چوري ڪري ويو. نامعلوم چور ويندي ويندي ڪلاس جي بليڪ بورڊ تي لکيو ته “آئون اهو ڪم ان ڪري رهيو آهيان ته منهنجي گهر ۾ 4 کان 5 ڏينهن کان کائڻ لا ڪجهه ناهي، ڪير راشن ڏيڻ به ناهي آيو، مون کي ڳولجو نه، ڇو ته آئون بکيو آهيان”. نامعلوم چور بليڪ بورڊ تي اردو ۾ لکيو آهي. صبح جو اسڪول کوليو ويو ته پکا ۽ ٻيو سامان چوري ٿيل هو، هيڊ ماستر جي فرياد تي پوليس چوري جي اين سي داخل ڪري ڇڏي آهي.
