ٽي وي ڊرامن ۽ اسٽيج جو ناميارو مزاحيا اداڪار اسماعيل تارا پنهنجي بيشمار مداحن کان موڪلائي ويو. گردا فيل ٿيڻ ڪري ڪراچي جي خانگي اسپتال ۾ داخل سينيئر آرٽسٽ دم ڌڻي حوالي ڪري ڇڏيو. اسماعيل تارا ڪيترن ئي ڊرامن، فلمن ۽ ٿيٽرن ۾ نمايان ڪردار ادا ڪيا، سندس مشهور مزاحيه ٽي وي پروگرامن ۾ ”ففٽي ففٽي“ سڀ کان نمايان آهي. کيس بهترين مزاحيا فنڪاري تي ڪيترائي ايوارڊ پڻ ڏنا ويا. اسماعيل تارا جي گهرڀاتين تصديق ڪئي آهي ته اداڪار جا گردا فيل ٿي ويا هئا، جنهن سبب هو ٽن ڏينهن کان خانگي اسپتال ۾ علاج هيٺ هو، اسماعيل تارا کي ڪالهه صبح جو وينٽيليٽر تي منتقل ڪيو ويو هو.
