ھڱورجا: هڱورجا ڀرسان پرائمري اسڪول بنگل خان چانگ ۾ ثقافتي ڏھاڙي جي حوالي سان شاندار تقريب منعقد ڪئي وئي، جنھن ۾ اسڪولي ٻارڙن توڙي استادن سنڌي اجرڪ ٽوپي سميت ثقافتي ويس پائي شرڪت ڪئي. تقريب ۾ اسڪولي ٻارڙن مختلف ٽيبلوز پيش ڪيا ۽ قومي گيتن تي جهمريون هنيون. جڏهن ته ٻارڙن اسڪول جي گيٽ کان ھڱورجا مائنر پل تائين استاد شفيع محمد چانگ، رضا محمد ڀٽو، عبدالشڪور مڱڻيجو، ڪائنات چانگ، مھوش چانگ ۽ عظمان راڄپر جي اڳواڻي۾ ثقافتي ريلي ڪڍي وئي. استادن ۽ ٻارڙن چيو ته سنڌ جي ثقافت شاندار آھي، ثقافتي ڏھاڙو عيد وانگر ملھايو ويندو.
