ٿاڻوبولاخان لڳ چلھه جي چڻنگ مان گهر کي باهه، الهه تلهه سڙي رک

ٿاڻوبولاخان: ٿاڻوبولاخان جي ڪوھستان جي علائقي ڀال جي ڳوٺ پسو عاقلاڻـــي ۾ غريب پورھيت مامن عاقلاڻي جي گھر کي چلھه جي چڻنگ مان باھه لڳي وئي. جنھن جي ڪري گھر ۾ پيل سمورو سامان، ھنڌ، بسترا، کٽون، ٿانو، ڪپڙا، اناج ۽ ٻيو الھه تلھه سڙي رک ٿي ويو. جنھن ڪري غريب پورھيت ٿڌ جي موسم ۾ کلي آسمان هيٺ ويٺل آھن. متاثرن سرندي وارن کان مالي سھائتا جي اپيل ڪئي آھي.