سانگھڙ: سانگهڙ ويجهو تيز رفتار روڊ تي بيٺل بلڊوزر سان ٽڪرائجي وئي، جنهن سبب 2 ماڻهو فوت ۽ 2 زخمي ٿي پيا. خبر موجب سانگهڙ لڳ سانگھڙ-نوابشاھه روڊ احمد خان ڏاھري ڀرسان ڪار ۽ بلڊوزر ۾ ٽڪر ٿي پيو، جنهن سبب سانگهڙ جا 2 رهواسي نور نبي بروھي ۽ سعيدو بروھي موقعي تي فوت ٿي ويا. جڏهن ته حقنواز لغاري ۽ نورالدين بروھي سخت زخمي ٿي پيا، جن کي مقامي ماڻهن نوابشاھه اسپتال پھچايو. ان سلسلي ۾ پوليس ٻڌايو ته ڪار سوار نوابشاھه کان سانگھڙ وڃي رهيا هئا ته روڊ تي بيٺل بلڊوزر سان ڪار ٽڪرائجي وئي، جنهن سبب 2 ماڻهو فوت ۽ 2 زخمي ٿي پيا. ٻئي پاسي اسپتال مان ضروري ڪارروائي بعد لاش وارثن حوالي ڪيا ويا، جيڪي گهر کڻائي پهتا ته ڪهرام مچي ويو.
