ميرپورخاص: ميرپورخاص ۾ پوليس اھلڪار پاران ڦر ڪيس تان هٿ کڻائڻ جون ڌمڪيون ڏيڻ خلاف ڳوٺ حاجي منٺار مري واسي فريادي سترام ميگھواڙ جي اڳواڻي ۾ ميگھواڙ برادري جي ماڻهن پريس ڪلب اڳيان احتجاجي مظاهرو ڪري پوليس اھلڪار خلاف نعريبازي ڪئي. ان موقعي تي سترام ميگھواڙ صحافين سان ڳالهائيندي چيو ته ھڪ ھفتو اڳ مون کان 4 ھٿياربندن موٽرسائيڪل ڦر ڪئي، ڦورن ۾ مون ھڪ ڄڻي ڪيلاش ميگھواڙ کي سڃاتو، بعد ۾ ڪيس پراڻي ميرپور ٿاڻي تي داخل ڪرايو، پوليس ڪيلاش ميگھواڙ کي گرفتار ڪيو آهي، ڪيلاش جو پوليس اهلڪار والد ڪرشن ميگھواڙ ڪيس تان هٿ کڻائي ٺاهھ لا حراسان ڪري ڌمڪيون ڏئي پيو. هن گهر ڪئي ته پوليس اهلڪار خلاف ڪارروائي ڪئي وڃي.
