اسلام آباد :وفاقي حڪومت توشا خانا جو 2002 کان 2023 تائين 21 سالن جو رڪارد پبلڪ ڪري ڇڏيو. وفاقي حڪومت ڪابينا ڊويزن جي ويب سائيٽ تي توشا خانا جو رڪارڊ اپ لوڊ ڪيو آهي، توشا خانا جو 2002 کان 2023 جو 466 صفحن جو رڪارڊ اپ لوڊ ڪيو ويو آهي. توشا خانا مان تحفا وصول ڪندڙن ۾ اڳوڻن صدرن، اڳوڻن وزيراعظمن، وزيرن ۽ سرڪاري آفيسرن جا نالا شامل آهن. فهرست ۾ اڳوڻي صدر پرويز مشرف، اڳوڻن وزيراعظمن شوڪت عزيز، يوسف رضا گيلاني، نواز شريف، راجا پرويز اشرف ۽ عمران خان جو نالو به شامل آهي. وزيراعظم کان علاوه وفاقي وزيرن، اعليٰ آفيسرن ۽ سرڪاري ملازمن پاران مليل تحفن جو رڪارڊ به عوام آڏو پيش ڪيو ويو آهي. گھٽ قيمت جا گهڻا تحفا وصول ڪندڙن طرفان قانون موجب بغير ادائگي جي رکيا ويا ڇاڪاڻ ته 2022 ۾ قانون موجب ڏهه هزار رپين کان گهٽ جا تحفا بغير ادائيگي جي رکڻ جو قانون هو. ان کان علاوه ڏهه هزار کان چار لک رپين تائين جا تحفا پندرهن سيڪڙو جي ادائيگي سان گڏ رکڻ جي اجازت هئي، جڏهن ته چار لک رپين کان وڌيڪ جا تحفا رڳو صدر يا حڪومتي سربراهن وٽ رکڻ جي اجازت هئي. رڪارڊ موجب جنرل پرويز مشرف کي 2004ع ۾ ڏنل تحفن جي قيمت 65 لک رپيا کان وڌيڪ ٻڌائي وئي، 2005ع ۾ جنرل پرويز مشرف کي ڏنل گهڙي جي قيمت 5 لک رپيا ٻڌائي وئي. اڳوڻي صدر پرويز مشرف کي مختلف وقتن تي درجنين قيمتي واچون ۽ زيورن جا باڪس مليا، جيڪي هن قانون موجب رقم ادا ڪرڻ کانپوءِ پاڻ وٽ رکيا هئا. 6 اپريل 2006ع تي اڳوڻي صدر جي گهرواري بيگم صهبا مشروف کي ساڍا 6ا لک رپين جا تحفا مليا. بيگم صهبا مشرف کي پهرين آگسٽ 2007ع تي مليل تحفن جي ماليت 34 لک رپيا کان وڌيڪ آهي. 3 اپريل 2007 تي ڪبيگم صهبا مشرف کي 1 ڪروڙ 48 لک رپين جا تحفا مليا، جڏهن ته 31 جنوري 2007 تي جنرل پرويز مشرف کي 14 لک رپين جا تحفا مليا. اڳوڻي وزيراعظم شوڪت عزيز کي 8 لک 50 هزار روپين جي هڪ واچ ملي جيڪا 3 لک 55 هزار روپين ۾ نيلام ٿي وئي جڏهن ته هن 10 هزار روپين کان به گهٽ قيمت جا سوين تحفا بغير ادائيگي جي رکيا. شوڪت عزيز کي 27 سيپٽمبر 2007ع تي مليل گھڙي جي قيمت ساڍا ٽي لک روپيا هئي، 20 ڊسمبر 2006ع تي شوڪت عزيز کي 20 لک روپين جو تحفو ڏنو ويو. ان کان علاوه شوڪت عزيز کي 2 جون 2006ع تي ساڍا 13 لک روپين جي هڪ واچ به ملي هئي، جڏهن ته 7 جنوري 2006ع تي اڳوڻي وزيراعظم شوڪت عزيز کي به 18 لک روپين جو تحفو مليو هو. 24 فيبروري 2010ع تي شوڪت ترين 12 لک روپين جي هڪ واچ توشا خاني ۾ جمع ڪرائي. اڳوڻي وزيراعظم مير ظفر الله خان جمالي وزيراعظم هائوس ۾ ڪعبي جو ماڊل نصب ڪيو، جڏهن ته جنرل (ر) پرويز مشرف جي گهر واري کي 2003ع ۾ ڏنل زيورن جي باڪس جي قيمت 2 لک 34 هزار 387 رپيا هئي. رڪارڊ موجب 2 ڊسمبر 2008ع تي اڳوڻي صدر آصف علي زرداري پنج ڪروڙ 78 لک جي قيمت جي هڪ واچ ڏني هئي ۽ اها پنهنجي لاءِ رکي هئي. جڏهن ته 26 جنوري 2009ع تي اڳوڻي صدر آصف علي زرداري کي 5 ڪروڙ 78 لک جي قيمت جي ٻه بي ايم ڊبليو گاڏيون مليون هيون. جڏهن ته 5 ڪروڙ رپين جي هڪ ٽويوٽا ليڪسس پڻ ملي. آصف زرداري 2 ڪروڙ کان وڌيڪ رقم ادا ڪئي ۽ ٽي گاڏيون سنڀالي ورتيون. 28 آڪٽوبر 2011ع تي آصف زرداري 16 لک 15 هزار ماليت جا تحفا رکيا، جڏهن ته يارنهن مارچ 2011ع تي آصف زرداري جي تحفن جي قيمت هڪ ڪروڙ رپين کان وڌيڪ هئي ۽ 13 جون 2011ع تي آصف زرداري جي تحفن جي ماليت هڪ ڪروڙ 20 لک کان وڌيڪ هئي. ساڍا سؤ هزار جا تحفا ڏنا ويا ۽ رکيا ويا. ان کان علاوه 15 آگسٽ 2011 تي آصف زرداري پاڻ 8 لک 47 هزار رپين جا تحفا رکيا. اڳوڻو وزيراعظم يوسف رضا گيلاني کي 23 ڊسمبر 2009ع تي کيس ڪعبي جي دروازي جو ماڊل تحفي ۾ ڏنو ويو ۽ هن 6 هزار رپيا ادا ڪري رکيا، جڏهن ته زيورن جو دٻو 21 لک رپيا ادا ڪري رکيو. يوسف رضا گيلاني جو ڀاءُ، ڀيڻ، پٽ، ڌيءُ، ڀائٽيي، مهمانن ۽ ڊاڪٽرن به تحفا رکيا. 17 آڪٽوبر 2011 تي يوسف رضاگيلاني 19 لک رپين جا تحفا پاڻ وٽ رکيا. ميان نواز شريف کي ڏنل مرسڊيز ڪار جي ڪل قيمت 4 لک 25 هزار 919 رپيا هئي، 20 اپريل 2008 تي اڳوڻي وزيراعظم نواز شريف 6 لک 36 هزار 888 رپيا تحفي ۾ مرسڊيز ڪار خريد ڪئي هئي. پنجاب جي وڏي وزير جي حيثيت سان شهباز شريف 15 جولاءِ 2009ع تي مليل سمورا تحفا توشه خاني ۾ جمع ڪرايا. 10 جون 2010ع تي اڳوڻي وڏي وزير شهباز شريف 40 هزار پينٽنگس توشه خاني ۾ جمع ڪرايو. رڪارڊ موجب سال 2018 ۾ اڳوڻي وزيراعظم شاهد خاقان عباسي کي 2 ڪروڙ 50 لک روپين جي رولڪس واچ تحفي ۾ ڏني وئي هئي. جڏهن ته اپريل 2018 ۾ شاهد خاقان عباسي جي پٽ عبدالله عباسي کي 55 لک روپين جي هڪ واچ تحفي ۾ ملي هئي. اهڙي طرح شاهد خاقان جي هڪ ٻئي پٽ نادر عباسي کي هڪ ڪروڙ 70 لک روپين جي هڪ گهڙي تحفي طور ملي آهي، جيڪا هن 33 لک 95 هزار رپيا جمع ڪرائڻ کانپوءِ پاڻ وٽ رکي ڇڏي آهي. رڪارڊ موجب 2018ع ۾ وزيراعظم جي سيڪريٽري فواد حسن فواد کي 19 لک رپين جي واچ ملي هئي. ان کان علاوه 2018ع ۾ وزيراعظم جي ملٽري سيڪريٽري برگيڊيئر وسيم کي 20 لک رپين جي واچ ملي هئي، جيڪا هن 3 لک 74 هزار رپيا توشه خاني ۾ جمع ڪرائڻ کانپوءِ پاڻ وٽ رکي هئي. اڳوڻي وزيراعظم عمران خان کي سال 2018 ۾ قيمتي تحفا مليا. توشا خاني جي رڪارڊ موجب سيپٽمبر 2018ع ۾ عمران خان کي 10.9 ڪروڙ رپين جا قيمتي تحفا مليا، جنهن ۾ 8.5 ڪروڙ رپين جي هڪ واچ به شامل آهي جيڪا 18 ڪيريٽ سون جي هئي. پي ٽي آءِ چيئرمين انهن تحفن مان 2 ڪروڙ 1 لک 78 هزار رپيا توشه خاني ۾ جمع ڪرائي ڇڏيا هئا. ڊسمبر 2018ع ۾ صدر عارف علوي کي 1.75 ملين رپين جي هڪ واچ، قرآن پاڪ ۽ ٻيا تحفا مليا، جن مان هن قرآن پاڪ رکيو ۽ ٻيا تحفا توشه خاني ۾ جمع ڪرايا. اهڙي طرح ڊسمبر 2018ع ۾ خاتون اول بيگم ثمينه علوي کي به 8 لک رپين جو هار ۽ 51 لک رپين جو ڪنگڻ مليو، جيڪو هن توشه خاني ۾ جمع ڪرايو. جنوري 2009 تي صدر عارف علوي کي 6 لک روپين جي قيمتي ڪلاشنڪوف AK 47 تحفي طور ملي. رڪارڊ موجب 7 آگسٽ 2006ع تي جنرل (ر) اشفاق پرويز ڪياني کي تحفا مليا، جيڪي هن ڏهه هزار رپيا ادا ڪرڻ کان پوءِ رکيا، جڏهن ته مئي 2006ع ۾ اڳوڻي ناڻي واري وزير عمر ايوب ڪياني کي ساڍا چار لک رپين جي قيمت ڏني. توشه خانو. اڳوڻي ناڻي واري سيڪريٽري سلمان صديق کي 29 فيبروري 2010ع تي 7 لکن جي هڪ واچ ملي، جيڪا هن توشا خانه کي ڏني.
