تحريڪ انصاف جي ايجنڊا تي هلندڙ چيف جسٽس کي عهدو ڇڏي ڏيڻ گهرجي:نواز شريف

مسلم ليگ (ن) جي سربراهه ۽ اڳوڻي وزيراعظم نواز شريف به سپريم ڪورٽ جي چيف جسٽس عمر عطا بنديال کان عهدو ڇڏڻ جو مطالبو ڪري ڇڏيو آهي. ٽوئيٽر تي پنهنجي پيغام ۾ نواز شريف چيو ته عدالتون قومن کي بحرانن مان ڪڍنديون آهن، بحرانن ڏانهن ڌڪينديون نه آهن، چيف جسٽس عمر عطا بنديال خبر ناهي ڪهڙو اختيار استعمال ڪري هڪ اڪثريتي فيصلي تي اقليتي را کي مڙهي ڇڏيو آهي. نواز شريف گهر ڪئي ته پنهنجي منصب ۽ آئين جي توهين ڪندي تحريڪ انصاف جي ايجنڊا کي اڳتي وڌائيندڙ چيف جسٽس وڌيڪ تباهي ڪرڻ بدران فوري طور تي مستعفي ٿي وڃي.