اسان ڪو به جرڳو ناهي ڪيو:ڪلوئي واسي پٽيل

ڪلوئي: ڪلوئي لڳ ڳوٺ سينهر کوهي ۾ مبينا خودڪشي ڪندڙ رائيچند جي وارثن پاران الزام هڻڻ بعد پٽيل جئيڻ ميگھواڙ، گيان کيتلاري وارو لڇمڻ کاڙڪ، رميش ڪمار ۽ ٻين عوامي پريس ڪلب ڪلوئي ۾ پريس ڪانفرنس ڪندي چيو آهي ته اسان هر مهيني برادري گڏجاڻي ڪوٺائيندا آهيون، باقي اسان ڪو به جرڳو ناهي ڪيو، اسان کي هروڀرو بدنام ڪيو پيو وڃي، ميرٽ تي انڪوائري ڪئي وڃي، اسان جرڳي ۾ ملوث هجون ته قانوني ڪاروائي ڪئي وڃي. هوڏانهن مبينا خودڪشي ڪندڙ رائيچند ميگھواڙ جا وارث جاچ آفيسر مٺي يونس بلوچ وٽ ايس ايس پي آفيس پهتا.