چونڊن جي فيصلي خلاف اليڪشن ڪميشن جي اپيل تي سڀاڻي شنوائي

اسلام آباد : پنجاب ۾ 14 مئي تي چونڊون ڪرائڻ جي سپريم ڪورٽ جي فيصلي خلاف اليڪشن ڪميشن جي داخل اپيل تي شنوائي سڀاڻي اڱاري تي ٿيندي. چيف جسٽس جي سربراهي ۾ جسٽس اعجازالاحسن ۽ جسٽس منيب اختر تي ٻڌل ٽه رڪني بئنچ شنوائي ڪندي. سپريم ڪورٽ پاران جاري ڪاز لسٽ مطابق اليڪشن ڪميشن جي اپيل تي شنوائي 23 مئي تي منجهند 12 لڳي 15 منٽن تي ٿيندي ۽ ان حوالي سان اٽارني جنرل ۽ ٻين کي نوٽيس ڏنو ويو آهي.