شھدادپور: شهدادپور مان ڏيڍ مھينو اڳ عورتاڻي آواز تي هرکجي اغوا ٿيل شهر جي نسيم نگر جي رهواسي نوجوان رزاق سولنگي تي قمبر-شھدادڪوٽ جي ڪچي ۾ زنجيرن ۾ جڪڙي ڌاڙيل تشدد ڪري رهيا آهن، اهڙي وڊيو پڻ ڌاڙيلن سوشل ميڊيا تي وائرل ڪري ڇڏي آهي، جنهن ۾ نظر اچي رهيو آهي ته شهدادپور واسي مغوي نوجوان زنجيرن ۾ جڪڙيل آهي ۽ رزاق سولنگي مٿان ڌاڙيل هٿيار تاڻي مٿس وحشياڻو تشدد ڪري رهيا آهن. وڊيو ۾ مغوي نوجوان کان ڌاڙيل وارثن کان 30 لک رپيا ڀنگ ڏيارڻ جو چورائي رهيا آهن. وڊيو ۾ نوجوان مطالبو ڪري ٿو ته آئون شهدادپور جو رهواسي آهيان، مون کي رب جي واسطي ڌاڙيلن وٽان آزاد ڪرايو وڃي.
