ڇاڇرو: ڇاڇري ويجهو ڳوٺ رٻاسر ۾ نوجوان جو جهنگ ۾ ڦاهو کاڌل لاش هٿ آيو، اطلاع تي مبارڪ رند ٿاڻي جي پوليس پهچي لاش کڻائي اسپتال منتقل ڪيو. ان سلسلي ۾ وارثن جو چوڻ آهي ته 17 ورهين جي نوجوان احسان پٽ گلشیير خاصخيلي آپگهات ڪيو آهي. ڳوٺاڻن جو چوڻ آهي ته نوجوان جو والد هوٽل تي مزدوري ڪندو هو، بيروزگاري سبب گهر جون حالتون انتهائي خراب هيون، تنگ ٿي نوجوان اهڙو قدم کنيو آهي. پورهيت جي هڪ پٽ اڳ ۾ آپگهات ڪيو هو، هاڻ ٻئي پٽ به انت آندو آهي. ان سلسلي ۾ پوليس جو چوڻ آهي ته نوجوان جي موت جو ڪارڻ معلوم ٿي نه سگهيو آهي، جاچ ڪري رهيا آهيون. هوڏانهن ضروري ڪارروائي بعد لاش وارثن حوالي ڪيو ويو.
