چوٽياريون: چوٽياريون ۾ صحافي سڏائي دڪاندارن ۽ شھرين کي بليڪ ميل ڪندڙ پنجاب ۽ نوابشاهھ واسي چئن ڄڻن کي پوليس گرفتار ڪري لاڪپ ڪري ڇڏيو. ان سلسلي ۾ رابطو ڪرڻ تي ايس ايڇ او چوٽياريون نبي بخش لاشاري ٻڌايو ته اسان کي اطلاع مليو ته چوٽياريون شھر اندر هڪ ٺڳ ٽولو لٿل آھي، جيڪي پاڻ کي صحافي سڏائي دڪاندارن کي بليڪ ميل ڪري ڀتو اوڳاڙي ڪري رهيا آهن، اسان ڪاروائي ڪري هڪ ڪار ۾ سوار چئن ڄڻن ڄڻن جاويد قريشي، محمد اعظم علوي، اعجاز سيال ۽ الھه بخش سميجو کي گرفتار ڪري مختلف ٽي چينلن ۽ اخبارن جا لوگا ۽ ڪارڊ ھٿ ڪيا، جيڪي غيرقانوني طريقي سان پرنٽ ڪري ٺھرايا ويا آھن ۽ هڪ ڪرولا ڪار به تحويل ۾ ورتي آهي. جوابدارن خلاف شھرين ۽ دڪاندارن کي بليڪ ميل ۽ ٺڳي ڪرڻ جي ڏوھف ھيٺ ڪيس داخل ڪيو ويو آهي، کين اڄ سانگهڙ جي عدالت ۾ پيش ڪيو ويندو.
