يوڪرين سان چڪتاڻ، يوئفا فٽبال چيمپيئن شپ روس مان منتقل ٿيڻ جو امڪان

روس پاران يوڪرين جي روسي شهرين جي اڪثريت وارن علائقن کي امڪاني طور آزاد رياستون تسليم ڪرڻ ۽ سرحدي چڪتاڻ ۾ واڌ بعد امڪان آهي تھ يوئفا فٽبالي چيمپيئن شپ ليگ کي روس مان ڪنهن ٻئي ملڪ منتقل ڪيو ويندو. ميڊيا مطابق يوڪرين سان سرحدي ڇڪتان ۾ شدت اچي رهي آهي، جنهن بعد آمريڪا ۽ برطانيا روس تي معاشي پابنديون لڳائڻ جو اصولي فيصلو ڪري ڇڏيو آهي، جنهن جو اعلان جلد متوقع آهي. اهڙي صورتحال بعد يوئفا جي فائنل سميت رائونڊ ميچن کي ڪنهن ٻئي ملڪ ۾ منتقل ڪيو ويندو.