ليان جا 5 شڪار، ڀارت 262 تي ڍير، آسٽريليا جون 61 رنسون

ڀارت دهلي ٽيسٽ جي ٻئي ڏينهن تي آسٽريليا خلاف پهرين اننگز ۾ 262 رنسون ٺاهي آئوٽ ٿي ويو آهي، جنهن ۾ رڳو اڪشر پٽيل 74 رنسون ٺاهي مزاحمت ڪري سگهيو آهي، ڪپتان روهت شرما 32، ڪي ايل راهول 17، ڇتيشُور پجارا ٻڙي، ويرات ڪوهلي 44، شرياس آئير 4، رويندر جديجا 26، روي چندرن ايشون 37 رنسون ٺاهي سگهيا آهن. جڏهن تھ آسٽريلوي بالر نيٿن ليان 5 وڪيٽون وٺي ڀارتي بيٽنگ کي تباهه ڪري ڇڏيو، ٽوڊ مرفي ۽ ميٿيو ڪهنمن 2،2 وڪيٽون ورتيون آهن. آسٽريليا ٻي اننگز ۾ 61 رنسن تي هڪ وڪيٽ وڃائي ڇڏي آهي.