اميلا ڪر ۽ ڊيرل سال جي بهترين ڪرڪيٽر جا ايوارڊ کٽي ورتا

نوزيلينڊ جي ويمن ڪرڪيٽر اميلا ڪر ۽ مينز پليئر ڊيرل مچل سال جي بهترين رانديگر جا ساليانا ايوارڊ کٽي ورتا آهن. ميڊيا مطابق اميلا ڪر ڊوبي هڪلي ميڊل کٽيو آهي، مچل ڊيرل سر رچرڊ هڊلي ميڊل پنهنجي نالي ڪري ورتو آهي. ون ڊي جي بهترين رانديگرياڻي جو ايوارڊ سوزي بيٽس کي ڏنو ويو آهي. اهڙي ريت ٽيسٽ پليئر آف دي ايئر جو ايوارڊ ٽام بلينڊل کٽي ورتو آهي. ڪرڪيٽ نيوزيلينڊ جي ٻين ڪيٽيگرين ۾ ٽم سائودي، مائيڪل براسويل، ڪرس برائون، ڪيٽ اينڊريسن ۽ ٻين بھ ايوارڊ ماڻي ورتا آهن.