ڪولمبو: پاڪستان ڪرڪيٽ ٽيم افغانستان کي 142 رنسن تان شڪست ڏئي ڇڏي. هنبن ٽوٽا ۾ کيڏيل ون ڊي سيريز جي پهرين ميچ ۾ افغانستان جي ٽيم مقرر 20 اوورن ۾ 59 رنسن تي آئوٽ ٿي وئي. افغانستان طرفان رحمان الله گربز 18 ۽ عظمت الله عمرزئي 16 رنسون ٺاهيون. پاڪستان طرفان حارث رئوف 5، شاهين شاهه آفريدي 2 وڪيٽون ورتيون، جڏهن ته نسيم شاهه ۽ شاداب خان هڪ هڪ وڪيٽ ورتي. ان کان اڳ ٽاس کٽي پهريان بيٽنگ ڪندي پاڪستان جي ٽيم 48هين اوورن ۾ 201 رنسون ٺاهي آئوٽ ٿي وئي.
پاڪستاني اوپنر فخر زمان جلد ئي وڪيٽ وڃائي ويٺو، هو صرف 2 رنسون ٺاهي سگهيو، جڏهن ته ڪپتان بابر اعظم هڪ به رنس نه ڪري سگهيو. ٻين رانديگرن ۾ مڊل آرڊر بيٽسمين آغا سلمان 29 بالن تي صرف 7 رنسون ٺاهي آئوٽ ٿي ويو، امام الحق 61، شاداب خان 39، افتخار احمد 30، محمد رضوان 21 رنسون ٺاهي پويلين موٽيا، نسيم شاهه 18 رنسن ٺاهي ناٽ آئوٽ رهيو.
