يورپ جي سائنسدانن دعوا ڪئي آهي تھ انهن ايٽمز جي ميلاپ سان 11 ميگا واٽ بجلي پيدا ڪرڻ جو ڪامياب تجربو ڪري ورتو آهي. برطانوي خابرو اداري جي رپورٽ ۾ ڄاڻايو ويو آهي تھ، سائنسدانن جو چوڻ آهي تھ نيوڪليئر فيوزن جي عمل ذريعي توانائي پيدا ڪرڻ جو ڄاڻايل طريقي تي عمل ڪرڻ ممڪن آهي. رپورٽ ۾ چيو ويو آهي تھ ستارن جي روشني ۽ حدت نيوڪليئر فيوزن جي عمل سبب آهي. هن عمل ۾ هڪ کان وڌيڪ ايٽم هڪٻئي ۾ ضم ٿي ويندا آهن، جنهن سان توانائي جي گرمائش ۽ روشني جي صورت ۾ سامهون اچڻ آهي. سائنسدانن موجب جيڪڏهن اسين زمين تي نيوڪليئر فيوزن جو عمل ڪاميابي سان ڪيون تھ ان سان لا محدود توانائي ملي سگهي ٿي، جنهن مان ڪاربن ۽ تابڪاري جو نڪرڻ گهٽ ۾ گهٽ ٿيندو. ٻڌايو وڃي ٿو تھ برطانيا جي جيٽ ليبارٽري هائيڊروجن جي ٻن قسمن کي هڪٻئي ۾ ضم ڪري توانائي پيدا ڪرڻ جو پنهنجو ئي رڪارڊ ٽوڙيو آهي. هن تجربي ۾ 5 سيڪنڊن کان ڪجهه ڌيڪ وقت ۾ 59 ميگا جولز توانائي پيدا ڪئي وئي، جيڪا 11 ميگا واٽ بجلي جي برابر آهي.
