پاڻي ۾ گدلاڻ جي ڄاڻ ڏيڻ وارو ڊي اين اي سينسر تيار

دنيا ۾ پاڻي ۾ گدلاڻ معلوم ڪرڻ يا ان کي ختم ڪرڻ جي حوالي سان ڊي اين اي واٽر سينسر تيار ٿي ويو آهي، جنهن ۾ اصل ڊي اين اي تحت معلومات ورتي ويندي. ميڊيا مطابق الينوائي جي نارٿ ويسٽرن يونيورسٽي جي جوليئس لڪس ڊي اين اي جي حياتياتي ڪمپيوٽر تحت ڪم ڪرڻ وارو هڪ سينسر تيار ڪيو آهي، جيڪو انتهائي گهٽ خرچ وارو ۽ سادو آهي. رپورٽ ۾ چيو ويو آهي تھ هڪ طرف هي پاڻي ۾ گدلاڻ جي ڄاڻ فراهم ڪري ٿو، ٻئي پاسي حياتياتي ڪمپيوٽر جي ٽيڪنالاجي ۾ پڻ اهم اڳڀرائي ڏيندو، هي سينسر پاڻي جي هڪ قطري مان گدلاڻ ڳولڻ جي صلاحيت رکي ٿو.