رمضان جي ٻن ڏهاڪن ۾ 40 لک کان وڌيڪ ماڻهن عمرو ادا ڪيو

رياض: رمضان المبارڪ جي ٻن ڏهاڪن ۾ 40 لک کان وڌيڪ ماڻهن عمري جي سعادت حاصل ڪري ورتي. سعودي گزٽ جي رپورٽ موجب سعودي اختيارين جو چوڻ آهي ته رمضان جي شروعات کان 20 رمضان تائين 42 لک ماڻهن عمرو ادا ڪيو. واضح رهي ته گذريل ٻه سال عالمي وبا ڪرونا وائرس سبب عمري ۽ حج جي محدود ماڻهن کي اجازت هئي پر هن سال تقريبن پابنديون ختم ڪيون ويون آهن، جنهن کانپوءِ ماڻهن جي وڏي انگ عمرو ادا ڪيو آهي. ياد رهي ته هلندڙ سال حج لاءِ به 10 لک ماڻهن کي شرڪت جي اجازت هوندي.