سعودي عرب سان معاهدو حيرت جوڳو عمل نه هوندو: اسرائيل

تل ابيب: اسرائيلي پرڏيهي وزير يائر لاپيڊ چيو آهي ته سعودي عرب سان لاڳاپا معمول تي آڻڻ وارو عمل ممڪن آهي. پرڏيهي ميڊيا موجب اسرائيل پنهنجي اتحادي آمريڪا ۽ نار وارن ملڪن سان گڏجي ڪري سعودي عرب سان لاڳاپا معمول تي آڻڻ تي ڪم ڪري رهيا آهيون. يائر لاپيڊ چيو ته سعودي عرب سان معمول جا لاڳاپا هڪ ڊگهو محتاط عمل آهي پر ائين ممڪن آهي. هن چيو ته جيڪڏهن ڪنهن معاهدي تي صحيح ٿئي ٿي ته اهو حيرت جوڳو اعلان نه هوندو، جيئن گڏيل عرب امارتن ۽ بحرين سان ٿيندڙ اڳوڻن معاهدن وقت ٿيو هو.