آمريڪي صدر جي گهرواري به ڪرونا وائرس ۾ وٺجي وئي

واشنگٽن: آمريڪي صدر جو بائيڊن جي گهرواري جل بائيڊن به ڪرونا وائرس جو شڪار بڻجي وئي. آمريڪي صدارتي محل وائيٽ هائوس طرفان جاري ڪيل بيان موجب جل بائيڊن جو ڪرونا وائرس ٽيسٽ هاڪاري آئي آهي ۽ کيس معمولي نوعيت جي علامتن سان منهن ڏيڻو پئجي رهيو آهي. واضح رهي ته ڪجهه ڏينهن اڳ آمريڪي صدر جو بائيڊن به ڪرونا وائرس جو شڪار بڻيو هو ۽ هاڻي سندس گهرواري به ڪرونا وائرس کان نه بچي سگهي آهي.