يوڪرين تي سوين روسي فوجين کي زهر ڏيڻ جو الزام

روس جي بچاءَ واري وزارت يوڪرين تي پنهنجي سوين فوجين کي زهر ڏيڻ جو الزام لڳايو آهي. پرڏيهي ميڊيا موجب يوڪرين جي گهرو وزارت جي صلاحڪار چيو آهي ته روس پنهنجي فوجين کي ناڪاره کاڌو فراهم ڪيو جنهن سبب سندن صحت خراب ٿي وئي. روسي بچاءَ واري وزارت موجب 31 جولاءِ تي ڪيترن ئي فوجين کي نازڪ حالت ۾ فوجي اسپتال منتقل ڪيو ويو هو، ٽيسٽن ذريعي خبر پئي ته انهن جي جسم مان بوٽولينم ٽوڪسن ٽائپ بي نالي زهريلو مادو مليو آهي. روسي اختيارين موجب فوجين کي زهر ڏيڻ جي منظوري يوڪرين جي صدر زيلنسڪي ڏني هئي.