لاڙڪاڻي آرٽس ڪائونسل ۾ ھاف فراءِ ٿيٽر گروپ پاران ناليواري ڪھاڻيڪار ھدايتڪار ۽ اداڪار نياز شيخ سان رھاڻ رچائي وئي. ان موقعي تي استاد اڪبر بلوچ چيو ته استاد نياز شيخ اداري جي حيثيت رکندڙ شخصيت آھي، ھو بھترين ڪاميڊي اداڪار آھي. عبدالستار کھاوڙ چيو ته استاد نياز شيخ خوبصورت ڪھاڻيڪار ھدايتڪار ۽ آرٽسٽ آھي. ادب شعبي جي چيئرمين پروفيسر ملھار سنڌي چيو ته استاد نياز شيخ بھترين آرٽسٽ سان گڏ سھڻو سڀاءُ رکندڙ انسان آھي. صحافي منور رند چيو ته نياز شيخ نه صرف بھترين اداڪار پر ھن شاگرد پيدا ڪيا آھن. استاد نياز شيخ چيو ته دوستن جو ٿورائتو آھيان جن مڃتا ڏني آھي. ان موقعي تي علي روشن، محمد پنجل سانگي، برڪت گاد، بدر خان سومرو، خالد ڀٽو، ذوالفقار ولي، اعجاز سولنگي، نظام چانڊيو، اياز ڪورائي ۽ ٻين استاد نياز شيخ کي لفظن جي ڀيٽا پيش ڪئي.
