ڪراچي کان بلوچستان ويندڙ ننڍو جهاز ڪري تباهه، پائليٽ فوت

ڪوئيٽا: آواران ۾ ننڍو ۽ هلڪو جهاز (جيروڪاپٽر) ڪري تباهه ٿي ويو آهي حادثي ۾ جهاز جو پائليٽ قاضي اجمل فوت ٿي ويو. رپورٽ موجب بلوچستان جي ضلعي آواران ۾ ننڍو گهٽ وزني جهاز جيرو ڪاپٽر ڪري تباهه ٿي ويو آهي. جيرو ڪاپٽر جو پائليٽ قاضي اجمل هو جيڪو حادثي ۾ فوت ٿي ويو. ذريعن ٻڌايو آهي ته پائليٽ قاضي اجمل پنهنجو جيرو ڪاپٽر ڪراچي مان اڏام ڪري بلوچستان جي حدن ۾ داخل ٿيو هو ته جهاز پولڊاٽ واري هنڌ تي پهاڙ سان ٽڪرائجي تباهه ٿي ويو.